Malayalam Lyrics

അശ്വതീ അനുരാഗിണീ Lyrics

1984

Script:

Malayalam Script

base

അശ്വതീ അനുരാഗിണീ നക്ഷത്രരാജ്യത്തെ വരവർണ്ണിനീ നീരദഗൃഹത്തിന്റെ കിളിവാതിലിൽ നിൻ പുഷ്പവദനം കണ്ടൂ ഞാൻ അശ്വതീ അനുരാഗിണീ ഒരു വെള്ളപ്പുടവയാൽ നഗ്നത മറയ്ക്കും ധനുമാസരാവിന്റെ കുളിരിൽ എന്റെ വീണയിൽ നീലാംബരിയുമായ് എത്ര യുഗങ്ങളായ് കൊതിച്ചിരുന്നു ഈ മുഖമൊരുനോക്കു കാണുവതെന്നതെൻ മോഹമായിരുന്നൂ - എന്റെ ദാഹമായിരുന്നു അശ്വതീ അനുരാഗിണീ മൃദുവാകും വിരലിനാൽ പൂവിതൾ തഴുകും മധുമാസത്തെന്നലിൻ കുളിരിൽ നിന്നോർമയുമായ് നിർനിദ്രനായ് ഞാൻ എത്ര യുഗങ്ങളായ് തപസ്സിരുന്നു നിൻ മാറിലൊരു രാവിൽ മയങ്ങുവതെന്നതെൻ മോഹമായിരുന്നൂ - എന്റെ ദാഹമായിരുന്നു അശ്വതീ അനുരാഗിണീ നക്ഷത്രരാജ്യത്തെ വരവർണ്ണിനീ നീരദഗൃഹത്തിന്റെ കിളിവാതിലിൽ നിൻ പുഷ്പവദനം കണ്ടൂ ഞാൻ