ലാ ലാലാ ലാ ലാ
പകൽ സ്വപ്നത്തിൻ പവനുരുക്കും
പ്രണയ രാജശില്പീ
ഇന്നു സന്ധ്യ കവർന്നെടുത്ത സ്വപ്നം
എത്ര പവൻ (2)
ഹൃദയമെന്ന ഖനിയിൽ പതിനായിരമറകൾ (2)
കനകമുണ്ട് രത്നമുണ്ട് കൽക്കരിയുണ്ട്
സ്വർണ്ണം കൊണ്ട് നീ ശില്പം തീർത്തതിൽ
രത്നങ്ങൾ പതിക്കും
ഇരവിൽ ദുഃഖമാം ക്രൂരനിരൂപകൻ
കരിയാണെന്നോതും സർവ്വം
കരിയാണെന്നോതും (പകൽ..)
കാലമെന്ന ദൈവം ഒരു ഭ്രാന്തൻ രാജാവ് (2)
ചിരിച്ചു കൊണ്ടേ കരയുന്നൊരു ഭ്രാന്തൻ രാജാവ്
നിന്റെ വർണ്ണ ശില്പങ്ങളെയവൻ തഴുകി താലോലിക്കും
ഉറഞ്ഞു തുള്ളിയാലൊന്നില്ലാതവൻ
താഴെയെറിഞ്ഞുടക്കും അവൻ
താഴെയെറിഞ്ഞുടക്കും (പകൽ...)
Lyrics provided for personal reading, singing practice, and educational study.
Advertisement
•Headphones
Hi-Fi Vocal Monitoring Headphones
Hear subtle vocal harmonies, background orchestrations, and pronunciation clearly.
As an Amazon Associate I earn from qualifying purchases.